Het Ôlle Laand
Tekst & Muziek: Rikkert Zuiderveld
Overgezet in het noord-Drenths door mijn moeder Margien Tiems (81)
Hier leefde vrouger volk dat met de grond vergruide
Nog niet ontworteld deur genaodeloos beton
Hier stun de juttepeer die vleulbelov'nd bluide
En hung de kruud'nluct van heui dat men er won
Je heurd'n 's mörg'ns al de karre van de bakker
De haaide gluide en de rögge wör as göld
Hier trok het alledaogse leev'n stug zien voor'n
En muik met hölp van zun en wind gezicht'n ôld
D'r waas gien haost gien achterstand of veursprong
De reeg'n in de haarfst die kwam van hogerhaand
De mêênsk'n waar'n nog verbond'n met heur oorsprong
In 't ôlle land
Hier zaat'n 's wintersaov'nds mêênsk'n met 'n kander
Bai 't smeulend heerdvuur nao het aov'ndmaol
In opa's ôld vertelsel over 't ein en aander
Daor sprak de stilte nog een dudelijke taol
En as de vrouw in 't kraombed laag dan kwam de baoker
Het volk begruif zien dood'n in geduldig zand
Demêênsk'n waar'n nog verbond'n met heur maoker
In 't ôlle land
Staat op: Reisverhalen